09:40 - 6.09.2023

---

6 sentyabr, Fineko/abc.az. Səudiyyə Ərəbistanının hasilatın könüllü azalmasını 2023-cü ilin sonuna qədər uzatmaq planları haqqında məlumatla 2022-ci ilin noyabr ayından etibarən ən yüksək səviyyəyə qalxdıqdan sonra çərşənbə günü ticarətdə neftin etalon markalarının qiyməti yüksəlir.

London ICE Futures birjasında Brent markalı neftin noyabr fyuçerslərinin qiyməti saat 09: 33 – ə qədər $0,12 (0,13%) artaraq bir barel üçün $90,16-a çatıb. 5 sentyabr ticarətinin nəticələrinə görə, Brent markalı neftin noyabr fyuçersləri $1,04 (1,17%) artaraq bir barel üçün $90,04-a yüksəldi.

Nyu-York əmtəə birjasının (NYMEX) elektron ticarətində  WTI neftinin oktyabr fyuçerslərinin dəyəri saat 09:33 – ə qədər $0,11 (0,13%) artaraq bir barel üçün $86,80-a çatdı. 5 sentyabr ticarətinin nəticələrinə görə, WTI neftinin oktyabr fyuçerslərinin qiyməti $0,76 (0,88%) artaraq bir barel üçün $86,69-a çatdı.

Səudiyyə Ərəbistanı dövlət agentliyi çərşənbə axşamı Energetika Nazirliyindəki rəsmi mənbəyə istinadən xəbər verir ki, ölkə neft hasilatında könüllü azalmanı 1 milyon barel/gündə artıraraq 2023-cü ilin sonuna qədər uzadacaq.