15:42 - 23.10.2026

---

23 Oktyabr, Fineko/abc.az. Rusiya Mərkəzi Bankının İdarə Heyəti faiz dərəcəsini illik 14% səviyyəsində dəyişməz saxlamaq barədə qərar qəbul edib.

Tənzimləyici bildirib ki, ölkə iqtisadiyyatında mülayim artım davam etsə də, qiymət təzyiqləri və inflyasiya gözləntiləri yüksək olaraq qalır. Oktyabrın 19-na olan məlumata görə illik inflyasiya 6,8% təşkil edib, ilin sonu üçün gözlənti isə 7,1-7,6% aralığındadır. Inflyasiya təzyiqinin artmasında xüsusilə yanacaq qiymətlərinin yüksəlməsi mühüm rol oynayıb.

Mərkəzi Bank inflyasiyanın 2027-ci ildə hədəflənən 4% səviyyəsinə düşəcəyini proqnozlaşdırır. Bankın növbəti faiz iclası dekabrın 18-də keçiriləcək.