15:23 - 13.07.2023

---

13 iyul, Fineko/abc.az. Bakıda bəzi bina sakinlərinə "Azəristiliktəchizat" ASC tərəfindən bildiriş gəlib. 

Sakinlər bildirirlər ki, sakinlərə göndərilən bildirişdə isti su tariflərinin iyul ayının 1-dən artdığı qeyd olunur.

ABC.AZ Trend-ə istinadən xəbər verir ki,  "Azəristiliktəchizat" ASC-in mətbuat katibi bildirib ki, isti su tarifləri 2017-ci ildən etibarən Tarif Şurası tərəfindən tənzimlənmir.

"Buna görə də isti su tarifləri Səhmdar Cəmiyyətin bu yöndə xərclərini tam əhatə etməklə hesablanır. Hazırda isti su tarifləri 3413 mənzil əhatə edir", - deyə o qeyd edib.