16:26 - 27.10.2026

---

27 oktyabr, Fineko/abc.az. Milli Məclisin Hüquq siyasəti və dövlət quruculuğu komitəsinin iclasında İnzibati Xətalar Məcəlləsinə təklif edilən dəyişikliklər müzakirə olunub.

Dəyişikliyə əsasən, sürücünün hərəkət zamanı telefonu əldə saxlamaqla istifadə etməsi və avtomobillərdə müvafiq icazə olmadan reklam yerləşdirilməsi kimi qayda pozuntularının da xüsusi foto və ya video qeydiyyat funksiyasına malik kameralar vasitəsilə avtomatik aşkar edilməsi təklif olunur.

Yeni mexanizm qəbul edildikdə bu xətalar üzrə cərimə protokolları fərqli və sürətləndirilmiş qaydada tərtib olunacaq.

Qeyd edək ki, hər iki qayda pozuntusuna görə fiziki şəxslər üçün 50 manat məbləğində cərimə nəzərdə tutulur.