15:15 - 26.10.2026

---

26 oktyabr, Fineko/abc.az. Antiinhisar və İstehlak Bazarına Nəzarət Dövlət Agentliyi “Aztelekom” MMC-nin xidmət tarifləri və təklif etdiyi internetin sürəti ilə bağlı yoxlama və təhlillərini başa çatdırıb.

Rəqabət Məcəlləsinə əsasən aparılan nəzarət tədbirləri çərçivəsində trafikin lokallaşdırılması xidməti üzrə yeni tariflərin tətbiqinə, operator və provayderlərə bərabər, ayrı-seçkilik olunmadan xidmət göstərilməsi şərti ilə razılıq verilib.

Həmçinin genişzolaqlı internet xidmətləri bazarında əhali və qeyri-əhali kateqoriyası üzrə giriş səviyyəsində minimum internet sürətinin tarifləri dəyişdirilmədən saxlanılmaqla müvafiq Əmr layihəsinin tətbiqi bəyənilib.