16:38 - 26.10.2026

---

26 oktyabr, Fineko/abc.az. Azərbaycan və Özbəkistan dövlət başçıları 2030-cu ilədək iki ölkə arasındakı ticarət dövriyyəsinin 1 milyard dollara çatdırılması üzrə proqram qəbul ediblər.

Strateji tərəfdaşlıq çərçivəsində ticarət, sənaye kooperasiyası, energetika və nəqliyyat sahələrində irimiqyaslı layihələr icra olunur.

Bura 500 milyon dollarlıq birgə investisiya fondu vasitəsilə 160 milyon dollarlıq layihələrin müəyyənləşdirilməsi, "ABB"nin Özbəkistandakı "Davr Bank" layihəsi, "Mətanət-A"nın gips zavodu, eləcə də "SOCAR"ın yanacaqdoldurma məntəqələri və yaşayış komplekslərinin tikintisi daxildir.

Eyni zamanda, Mərkəzi Asiya regionu ilə ümumi iqtisadi inteqrasiya dərinləşir; 2026-cı ilin ilk səkkiz ayında Orta Dəhliz üzrə tranzit daşımalar təxminən 20% artıb.