10:04 - 27.10.2026

---

27 Oktyabr, Fineko/abc.az. Türkiyənin aparıcı telekommunikasiya operatoru "Türk Telekom" 14 beynəlxalq bankın iştirakı ilə 1 milyard dollar məbləğində uzunmüddətli klub krediti müqaviləsi imzalayıb.

Şirkətin açıqlama platformasında (KAP) dərc etdiyi bəyanata əsasən, cəlb edilən vəsaitlər 5G infrastrukturu və fiber-optik şəbəkələrin inkişafına, eləcə də ümumi maliyyə ehtiyaclarının qarşılanmasına yönəldiləcək.

Son ödəmə tarixi 2031-ci ilin oktyabr ayına təsadüf edən (orta müddəti 4,55 il olan) bu kredit üzrə faiz dərəcəsi "SOFR + 2,00%" təşkil edir. Sövdələşmədə "Bank of America" ​​koordinator, "ING Bank" isə kredit agenti qismində çıxış edib.