11:58 - 19.10.2026

---

19 Oktyabr, Fineko/abc.az. Avropada təbii qazın qiyməti Hörmüz boğazı yaxınlığında tankerlərə hücumlar, LNG tədarükünün ləngiməsi və anbarlardakı aşağı doluluq səviyyəsi səbəbindən yüksəlməkdə davam edir.

Niderlandın TTF mərkəzində etalon fyuçers müqavilələrinin qiyməti 0,7% artaraq 1 meqavat-saat üçün 88,12 avroya çatıb ki, bu da 2022-ci ilin dekabrından bəri ən yüksək göstəricidir.

Hazırda Avropanın qaz anbarlarının doluluq dərəcəsi 74%-dən bir qədər yuxarıdır. Bu göstərici 5 illik mövsümi ortalamadan (89%) xeyli aşağıdır. "Bloomberg Intelligence" analitiklərinin qiymətləndirməsinə görə, qış tələbatının artması və Asiya ilə LNG uğrunda rəqabətin kəskinləşməsi fonunda qiymətlərin 1 meqavat-saat üçün 102 avroya qədər qalxmaq potensialı var.