09:00 - 16.03.2023

---

16 mart, Fineko/abc.az. Ötən sessiyanın nəticələrinə görə, neftin etalon markalarının qiymətləri cümə axşamı hərracda yüksəlir.

London ICE Futures birjasında Brent markalı neftin may fyuçerslərinin dəyəri saat 08:55–də $0,90 (1,22%) artaraq bir barelə $74,59—a çatdı. Martın 15-də keçirilən hərracların nəticələrinə görə, Brent markalı neftin may ayı üzrə fyuçersləri $3,76 (4,86%) ucuzlaşaraq bir barel üçün $73,69—a düşüb.

Saat 08:55-də  Nyu-York əmtəə birjasının (NYMEX) elektron ticarətində WTI neftinin aprel ayı fyuçerslərinin qiyməti $0,83 (1,23%) artaraq bir barelə $68,44-a yüksəldi. Martın 15-də keçirilən hərracların nəticələrinə görə, WTI neftinin aprel fyuçerslərinin qiyməti $3,72 (5,22%) azalaraq bir barelə $67,61—a düşüb.