10:14 - 13.10.2026

---

13 oktyabr, Fineko/abc.az. Azərbaycanda mövcud inflyasiya Mərkəzi Bankın (AMB) 4±2%-lik hədəf diapazonunda qalmaqdadır. AMB son olaraq sentyabrın 23-də uçot dərəcəsini 6,5%, faiz dəhlizinin yuxarı həddini 7,5% səviyyəsində saxlayıb, aşağı həddini isə 5%-ə endirib. İyul ayında AMB xarici xərc amilləri və qlobal bazarlardakı riskləri nəzərə alaraq 2026-cı ilin sonuna inflyasiya proqnozunu 6,1%-ə, 2027-ci ilin sonuna isə 5,8%-ə yüksəldib. Tənzimləyici qurum faiz dəhlizi üzrə növbəti qərarını oktyabrın 29-da elan edəcək.

Digər tərəfdən, beynəlxalq qurumların da proqnozları müxtəlifdir; Asiya İnkişaf Bankı (AİB) sentyabr qiymətləndirməsində orta illik inflyasiyanı 2026-cı il üçün 5,9%, 2027-ci il üçün 5% proqnozlaşdırır. “Fitch Ratings” reytinq agentliyi Azərbaycan üzrə gözləntilərini 2026-cı ildə 6,1%, 2027-ci ildə 5,6%, 2028-ci ildə 4,9% səviyyəsində bəyan etdiyi halda, Niderlandın “ING Group” maliyyə institutu 2026-cı il üçün 5,8%, 2027-ci il üçün isə 5,6% inflyasiya ehtimal edir.