12:11 - 3.12.2025

---

3 dekabr, Fineko/abc.az. Çin “Antsi” adlı elektrik stansiyasını istismara verib. Stansiyada hər biri 400 MVt gücündə olan iki qaz turbinindən istifadə olunur. Turbinlər yerli komponentlərlə Harbin Electric və GE Vernova-nın birgə müəssisəsində istehsal edilib.

ABC.AZ-ın məlumatına görə, layihə enerji avadanlıqları çatışmazlığı fonunda ölkənin xarici texnologiyalardan asılılığını azaltmağa kömək edir.

Qaz enerjisi xüsusilə sahil bölgələrində getdikcə daha çox tələb olunur, çünki yerüstü bərpa olunan enerji mənbələrinin inkişafı məhdudiyyətlərlə üzləşir. Çin onilliyin sonunadək qaz generasiyasının gücünü 150 QVt-dan 200 QVt-a çatdırmağı planlaşdırır, milli şirkətlər isə öz qaz turbinlərinin yaradılması proqramlarını sürətləndirirlər.