15:34 - 9.10.2026

---

9 Oktyabr, Fineko/abc.az. Çinin "Manus" süni intellekt laboratoriyasının ana şirkəti olan "Butterfly Effect" A Seriyası maliyyələşmə raundunda 500 milyon dollardan çox investisiya topladığını elan edib.

İnvestisiya raunduna "Boyu Capital" və "IDG Capital" rəhbərlik edib, eləcə də "Tencent", "HSG" və "ZhenFund" kimi mövcud səhmdarlar da prosesdə iştirak ediblər. Əvvəlki məlumatlara görə, startap 4 milyard dollar dəyərləndirmə üzrə danışıqlar aparırdı.

Honq Konqda birjaya (IPO) çıxmağı planlaşdıran şirkət toplanan vəsaiti həm yerli, həm də xarici bazarlarda kadr heyətini genişləndirməyə yönəldəcək.