17:08 - 15.10.2026

---

15 oktyabr, Fineko/abc.az. Maliyyə hesabatını açıqlayan “Premium Bank” ASC 2026-cı ilin ilk doqquz ayında aktivlərinin həcmində demək olar ki, artım nailiyyəti əldə edə bilməyib.

İlin əvvəlində 677.7 milyon manat olan aktivlər sentyabrın sonuna cəmi 1.2 milyon manat və ya 0.2% artaraq 678.9 milyon manata çatıb.

Bu nəticə ilə bank oxşar aktiv ölçüsünə malik rəqibləri arasında sonuncu sıraya düşüb. “Premium Bank”ın likvid vəsaitlərində də ciddi azalma müşahidə edilib; nağd pul və ekvivalentləri 7.8% azalaraq 156.8 milyon manata, ticarət və investisiya qiymətli kağızları portfeli isə 38.2% kiçilərək 10.5 milyon manata düşüb.

Kredit portfeli isə 3.8% artımla 496.7 milyon manat təşkil edib ki, bunun da böyük hissəsi biznes kreditlərinin (362.2 milyon manat) payına düşür.