09:53 - 2.10.2026

---

2 Oktyabr, Fineko/abc.az. Dünya enerji bazarlarında müşahidə olunan kəskin qiymət tərəddüdləri fonunda Azərbaycanın əsas ixrac nefti olan “Azeri Light” (CIF) markalı xam neftin qiyməti kəskin artım nümayiş etdirib.

Azərbaycan neftinin bir barelinin qiyməti əvvəlki göstərici ilə müqayisədə  5,5 ABŞ dolları və ya 4,61% artaraq 124,76 ABŞ dollarına yüksəlib.

Mütəxəssislər neft qiymətlərindəki bu sıçrayışı Yaxın Şərqdəki gərginliyin dərinləşməsi, Hörmüz boğazında tədarük zəncirinin pozulması riskləri və qlobal miqyasda enerji təhlükəsizliyi ilə bağlı artan narahatlıqlarla əlaqələndirirlər.