16:45 - 28.09.2026

---

28 sentyabr, Fineko/abc.az. Bakı Fond Birjasının (BFB) Listinq Komitəsinin qərarı ilə "GL" ASC-nin istiqrazları ticarətə buraxılıb.

Qiymətli kağızların yerləşdirilməsi üzrə birqiymətli hərrac 02 oktyabr 2026-cı il tarixində keçiriləcək.

Emissiyanın ümumi həcmi 500,000 manat, istiqrazların sayı 5,000 ədəd, hər birinin nominal qiyməti isə 100 manat təşkil edir. İllik gəlirliliyi 15% olan faizli, təminatsız və sənədsiz istiqrazların tədavül müddəti 7 il (2,520 gün) müəyyən edilib. Faiz ödənişləri investorsa hər ayda bir dəfə (aylıq 30 gün hesabı ilə) həyata keçiriləcək.

Proses üzrə anderrayter rolunda “İnvest-AZ İnvestisiya Şirkəti” QSC çıxış edir.