11:08 - 21.10.2025

---

21 oktyabr, Fineko/abc.az. 20 oktyabr bazar ertəsi günü keçirilən ticarətdə Apple səhmləri, keçən ilin dekabrında qeydə alınan tarixi maksimumu yeniləyib.

ABC.AZ xəbər verir ki, kotirovkaların artması Loop Capital analitiklərinin iPhone-da müsbət tələb dinamikası sayəsində səhmləri "saxlamaq"dan "almaq" səviyyəsinə qaldırmasından sonra baş verib.

Gün ərzində səhmlər 264,38 dollara çatırdı, sessiyanın yekununda isə 3,94% bahalaşaraq 262,24 dollar səviyyəsində bağlandı.

İlin çox hissəsində Apple səhmləri S&P 500 indeksindəki səhmlər arasında bazardan xeyli geridə qalırdı, lakin son 6 ayda şirkətin kapitallaşması 33% artmışdı.