22:16 - 28.08.2026

---

28 avqust, Fineko/abc.az. "Alphabet" holdinqinə daxil olan "Google" Avropa İttifaqı tərəfindən gözlənilən mümkün anti-inhisar cərimələrinin və tənzimləyici təzyiqlərin qarşısını almaq məqsədilə Avropa regionu üzrə spam siyasətində dəyişiklik etdiyini açıqlayıb.

Şirkət Avropa Komissiyasının bazar rəqabəti və axtarış sistemlərindəki ədalətsiz üstünlüklərlə bağlı iradlarını nəzərə alaraq alqoritmlərini və qaydalarını yeniləyib.

Aİ tənzimləyici orqanları "Google"un spamla mübarizə mexanizmlərindən istifadə edərək rəqib xidmətləri və kənar platformaları axtarış nəticələrində sıxışdıra biləcəyi ehtimalından narahatlıq ifadə edirdilər. Yenilənmiş siyasət rəqabət mühitini qorumağa və iri cərimə sanksiyalarından yayınmağa yönəlib.