Gürcüstan təkcə azərbaycanlı turistlər hesabına ikinci rübdə 59,5 milyon dollar qazanıb

12:32 - 20.07.2026

20 iyul, Fineko/abc.az. Bu ilin ikinci rübündə Gürcüstan Azərbaycandan həyata keçirilən səfərlərdən 59,5 milyon ABŞ dolları həcmində gəlir qazanıb.

Bu barədə Gürcüstanın Milli Bankından bildirilib. İllik müqayisədə gəlirdə 10,3% artım qeydə alınıb.

Hesabat dövründə Gürcüstanın beynəlxalq səfərlərdən əldə etdiyi gəlirin ümumi həcmi ötən ilə nisbətdə 3,8% azalaraq 1,1 milyard ABŞ dolları təşkil edib. Gəlirin böyük hissələri 194,9 milyon ABŞ dolları olmaqla Avropa İttifaqı ölkələrinin, 182,8 milyon ABŞ dolları olmaqla Rusiyanın, 134,9 milyon ABŞ dolları olmaqla Türkiyənin, 123,8 milyon ABŞ dolları olmaqla İsrailin payına düşüb.

©APA