16:21 - 14.04.2026

---

14 aprel, Fineko/abc.az. Fransanın “TotalEnergies” Türkiyənin “Türkiye Petrolleri Anonim Ortaklığı” (TPAO) ilə geoloji kəşfiyyat sahəsində əməkdaşlığı nəzərdə tutan anlaşma memorandumu imzalayıb. Bu əməkdaşlığa Qara dəniz akvatoriyasında aparılacaq işlər və beynəlxalq layihələr də daxildir.

ABC.AZ xəbər verir ki, razılaşma Avropanın Rusiya enerji resurslarına çıxışının azalması və tədarükdə yaranan qeyri-sabitlik fonunda Qara dəniz şelfinə marağın artdığı bir şəraitdə texniki tərəfdaşlığın inkişafına yönəlib.

Bundan əvvəl digər şirkətlər də regionda fəaliyyətlərini gücləndiriblər, o cümlədən Rumıniya və Bolqarıstanda layihələr həyata keçirirlər. Türkiyə isə öz növbəsində enerji habına çevrilmək və beynəlxalq tərəfdaşlıqları genişləndirmək istiqamətində siyasətini davam etdirir.