16:54 - 1.02.2022

---

1 fevral, Fineko/abc.az. Şotlandiyada yaşı 22-dən aşağı olan sakinlər avtobuslardan pulsuz istifadə edəcək.

ABC.AZ-ın xarici mediaya istinadən məlumatına görə, yeni qaydalar yanvarın 31-dən qüvvəyə minib.

Yeni qayda təxminən 930.000 nəfərə şamil ediləcək.

Ödənişsiz gedişatdan istifadə üçün smart-çiplərlə təchiz olunmuş NEC və ya Young Scot NEC adlı yeni milli kart əldə etmək lazım gələcək.

Sərnişinlər avtobusa minərkən haraya getdiklərini sürücüyə bildirməli və gediş kartını oxuyucu qurğuya yaxınlaşdırmalıdırlar.