13:33 - 23.04.2018

---

23 aprel, Fineko/abc.az. Azərbaycanın energetika naziri Pərviz Şahbazov bildirib ki, respublika OPEC-ə daxil olmağı planlaşdırmır.

“Azərbaycanın neft ixrac edən ölkələrə (OPEC) daxil olması məsələsi gündəmdə deyil”, - Pərviz Şahbazov belə deyib.

Onun sözlərinə görə, Azərbaycan OPEC + formatında mövcud əməkdaşlıq vəziyyətindən razıdır.

"Biz OPEC ilə yaxından əməkdaşlıq edirik və bu əməkdaşlıqdan məmnunuq. Gələcəkdə OPEC + formatında əməkdaşlığa davam edəcəyik. Hazırkı vəziyyətdən məmnunuq”, - deyə nazir bildirdi.