17:40 - 16.04.2018

---

16 aprel, Fineko/abc.az. Azərbaycan Respublikası Vergilər Nazirliyi  "Bon Appetit"  mağazalar şəbəkəsində qanun pozuntuları aşkar edib.

Nazirliyin məlumatında deyilir ki, həyata keçirilmiş operativ vergi nəzarəti zamanı müəyyən edilib ki, vergi ödəyicisi tərəfindən ikili mühasibatlıq aparılır.

“Daha bir qanun pozuntusu, vergi ödəyicisinin Badamdar qəsəbəsində yerləşən sexinə əmək müqaviləsi olmayan 55 nəfər vətəndaşın işə cəlb edilməsidir”, - məlumatda belə deyilir.

Məlumatda qeyd edilir ki, aşkar edilmiş hallarla bağlı müvafiq aktlar tərtib edilib, “qara mühasibatlıq” sənədləri götürülüb, müvafiq araşdırma aparılır.