14:59 - 29.04.2021

---

29 aprel, Fineko/abc.az. Səngəçal terminalından rüb ərzində 60 milyon bareldən çox neft və kondensat ixrac edilib.

ABC.AZ “BP Azərbaycan”-ın hesabatına istinadən xəbər verir ki, bu ilin birinci rübündə o cümlədən 52 milyon barel Bakı-Tbilisi-Ceyhan (BTC) vasitəsilə və 8 milyon bareldən artıq Qərb İxrac Boru Kəməri marşrutu vasitəsilə ixrac həyata keçirilib.

Rüb ərzində terminaldan həmçinin gündəlik orta hesabla 56 milyon standart kubmetrdən çox Şahdəniz qazı ixrac edilib.