15:27 - 2.11.2017

---

Azərbaycanın Xarici İşlər Nazirliyinin rəhbəri, Ermənistanın Bakı-Tbilisi-Qars dəmir yolu layihəsinə qoşula biləcəyi şərtləri açıqlayıb.

Nazir Elmar Məmmədyarovun sözlərinə əsasən, əgər Ermənistan Bakı-Tbilisi-Qars dəmir yolu layihəsinə qoşulmaq istəyirsə, o zaman, işğal etdiyi əraziləri azad etməlidir.

“Layihənin idarə edilməsi üzrə birgə şirkət yaradılır və bizim mövqemiz bundan ibarətdir ki, əgər Ermənistan layihəyə qoşulmaq istəyirsə, o, ilk növbədə, işğal etdiyi torpaqları azad etməlidir, münaqişə həll edilməlidir”, - E.Məmmədyarov belə deyib.