09:00 - 6.01.2023

---

6 yanvar, Fineko/abc.az. Neftin etalon markalarının qiyməti cümə günü keçirilən hərracda artır.

London ICE Futures birjasında Brent markalı neftin mart fyuçerslərinin dəyəri saat 08:55-də $0,90 (1,14%) artaraq barel başına $79,59-a yüksəldi. 5 yanvar ticarətinin nəticələrinə görə, Brent markalı neftin mart ayı üçün fyuçersləri $0,85 (1,09%) artaraq barel başına $78,69-a yüksəldi.

Saat 08:55-də Nyu-York əmtəə birjasının (NYMEX) elektron ticarətində WTI neftinin fevral fyuçerslərinin qiyməti $0,87 (1,18%) artaraq bir barelə $74,54-a yüksəldi. 5 yanvar ticarətinin nəticələrinə görə, WTI neftinin fevral fyuçerslərinin dəyəri $0,83 (1,14%) artaraq bir barelə $73,67-a yüksəldi.